Mıvofiğ mətni bahandən, yaan bəy quş bıdən
İsa de Zəkkay
19:1 Bə Yerixo varid bıə İsa dəvardeydəbe çəğın. 2 Zəkkay nomədə qıləy ərbobə odəm hestbe əyo. Əv doyənəqırdəəkon rəisbe. 3 Əv cəhd kardeydəbe ki bıvindı İsa kiye, əmma izdihomi səbəbo vinde zıneydənıbe, çumçıko boloş nızımbe. 4 Bəvədə vite bənav, peşe bə tuyə do ki, bıvindı İsa. İsan çəyo dəvardəninbe.
5 İsa nez oməy bə həmon vırəy, edyəsəy bəpe, votışe: «Ha Zəkkay! Rəyrəbi, evo bəji! Imruj Az ıştı kədə mandəninim». 6 Əv tadibəsə evoəy, de şoyvo ğəbul kardışe İsa. 7 Imi vində izdihom dəmande bo noroziyəti karde, votışone: «Şe ğonəğ be bə qıləy qınokori!» 8 Zəkkay əşte votışe bə Kulli-İxtiyori: «Ya Kulli-İxtiyor, sıxan doydəm: ıştə əmloki nimə bədom bə kosibon, çikiku de nohəxəti səmbe, çoğat obəqordınem bəy». 9 İsa votışe: «Imruj xılos oməy bı kə. Çumçıko əvən İbrahimi zoəy. 10 Oxo Bəşəri Zoə omə ki, qin bıəkəson pəydo bıkə iyən xılos bıkə».
Hikoyə deştə sıxanon tikror kardeyro dı-se dəğiğə co bıkən. Şımə ımi de barzə sədo qəp je, yaan nıvışte bəzneyon. Qirəm mətni yodədə oqəte zıneydəniyonbu, əy tojədən bahandən, yaan bəy quş bıdən.
De hikoyə tanış bey bəpeştə, jitono doəbıə parson həxədə fikir bıkən iyən əvoni mızokirə bıkən.
Get Discovery Bible Studies on your phone
Discover copyright ©2015-2026 discoverapp.org
Ayon Mığəddəsə Kitobi bə Toılşə zıvon tərcumədə peqətəbıə. Mıəllifəti huğuğ © "Müqəddəs Kitab Şirkəti" 2019. De icozə okodoəbeydə. Həmə huğuğon mıdofiə kardə beydən.
