Kəşf et

53:1 Verdiyimiz xəbərə kim inandı?
Rəbbin qüdrəti kimə məlum oldu?
2 Rəbbin önündə sevimli bəndəsi bir fidan kimi,
Quru torpaqda kök atan bir bitki kimi böyüdü;
Gözəgəlimli zahiri görünüşdən, gözəlliyikdən məhrum idi.
Cəlbedici görkəmi də yox idi.
3 İnsanlar Ona yuxarıdan-aşağı baxıb rədd elədi.

Çəfakeş oldu və əziyyəti yaxından tanıdı.
Biz Ondan üz çevirdik,
Ona yuxarıdan-aşağı baxıb qiymət vermədik.
4 Əslində O, azar-bezarımızı aldı,
Dərd-bəlalarımızın yükünü O çəkdi.
Bizsə elə bildik ki, Allah Onun cəzalandırır,
Vurub əzir.
5 Halbuki bədəni üsyankarlığımıza görə dəlik-deşik oldu,
Günahlarımıza görə əzaba düşdü.
Cəzamızı çəkərək bizi əminamanlığa qovuşdurdu.
Onun yaraları şəfa tapdıq.
6 Hamımız qoyun kimi yoldan azmışdıq,
Hərəmiz öz yolumuzla gedirdik.
Amma Rəbb haqq etdiyimiz cəzanı Onun boynuna qoydu.

7 O, zülmə düşdü, əzab çəkdi,
Lakin ağzını belə, açmadı.
Boğazlanmağa aparılan quzu kimi,
Qırxımçıların qabağında dilsiz-ağızsız qoyun kimi
Ağzını açmadı.
8 Haqqsızlıqla ittiham olunub ölmə aparıldı.
Aid olduğu nəsildən kim Onunla maraqlandı?
O, xalqımın üsyankarlığından ötrü cəzalandırılaraq
Dünyaya gözlərini yumdu.
9 Heç bir günah etməmişdi,
Dilindən heç bir aldadıcı söz çıxmamışdı.
Buna baxmayaraq cinayətkarların yanındakı
Məzara layiq gördülər Onu,
Amma cənazəsi varlı adamın qəbrinə qoyuldu.

10 Sevimli bəndəsinin əzilməsi,
Əzab çəkməsi əslində Allahın Öz rizası ilə olmuşdu.
Çünki bəndəsi günahkarların günahlarını
Bağışlamaq üçün Öz canını fəda elədi.
Bunun sayəsində O, nəslinə aid olanları görəcək,
Ömür uzadacaq,
Onun vasitəsilə Allah Öz iradəsini yerinə yetirəcək.
11 Əzab çəkib öləndən sonra,
Yenə gün işığını görəcək,
Nailiyyətlərindən məmnun qalacaq.

Allah deyir ki, «Mənim saleh bəndəm,
Çoxlarının günahlarını boynuna götürməklə
Onları əməlisaleh edəcək.
12 Buna görə də Ona
Qaliblər arasında yer verəcəyəm,
Zəfərinin qənimətini qaliblərlə paylaşacaq.
Çünki canını qurban verdi,
Üsyankarlara tay tutuldu,
Çoxlarının günahını boynuna götürdü,
Üsyankarlar üçün vəsatət etdi».