Müvafiq mətni oxuyun və ya dinləyin
İsa tufanı yatırır
4:35 O gün axşam düşəndə İsa şagirdlərinə dedi: «Gəlin gölün o biri sahilinə keçək». 36 Beləliklə, şagirdlər camaatdan ayrılaraq İsanın mindiyi qayıqla qarşı tərəfə keçdilər. Onların yanı ilə başqa qayıqlar da gedirdi. 37 Bu vaxt şiddətli bir tufan qopdu. Dalğalar şahə qalxıb qayığa hücum çəkirdi. Qayıq az qalmışdı su ilə dolsun. 38 Amma İsa qayığın arxa tərəfində başını yastığa qoyub yatırdı. Şagirdlər Onu oyadıb dedilər: «Müəllim! Biz məhv oluruq axı! Sən heç narahat olmursan?» 39 İsa qalxıb küləyə əsməyi qadağan etdi, gölə «Sus, sakit ol!» dedi. Onda külək dayandı, göl də sakit oldu. 40 İsa onlara dedi: «Niyə qorxursunuz? Hələ imanınız yoxdur?» 41 Onlar isə qorxuya düşüb bir-birlərinə dedilər: «Bu Adam kimdir ki, külək də, göl də Ona itaət edir?»
Hekayəni öz sözlərinizlə təkrarlamaq üçün bir neçə dəqiqənizi ayırın. Siz bunu yüksək səslə söyləyə və ya yaza bilərsiniz. Əgər mətni yadda saxlaya bilmirsinizsə, onu yenidən oxuyun və ya dinləyin.
Hekayə ilə tanış olduqdan sonra, aşağıdakı suallar haqqında düşünün və onları müzakirə edin.
Get Discovery Bible Studies on your phone
Discover copyright ©2015-2026 discoverapp.org
Ayələr Müqəddəs Kitabın Azərbaycan dilinə tərcüməsindən götürülüb. Müəlliflik hüququ ©Müqəddəs Kitab Şirkəti. Əhdi-Ətiq 2004; Əhdi-Cədid 2009. İcazə ilə istifadə olunur. Bütün hüquqlar müdafiə olunur.
