موندل

نوی حکم

31 کله چې یهودا لاړ، نو عیسی وویل: «اوس به د خدای زوی جلال ومومي او د هغه په وسیله به خدای جلال مومي. 32 څرنګه چې خدای د هغه په وسیله جلال مومي نو خدای به په خپله هم هغه ته جلال ورکړي او ډېر زر به ورته جلال ورکړي. 33 زما بچیانو! زه به د لږ نور وخت دپاره ستاسو سره یم. بیا به ما پسې ګرځئ او پیدا کولای به مې نه شئ او لکه څنګه چې مې یهودي مشرانو ته وویل، اوس یې تاسو ته هم وایم، زه چې چېرته ځم هلته تاسو نه شئ تللی. 34 زه تاسو ته نوی حکم درکوم: د یو بل سره مینه کوئ، لکه څنګه چې ما ستاسو سره کړې ده، نو تاسو هم باید د یو بل سره مینه وکړئ. 35 که تاسو یو د بل سره مینه ولرئ، نو بیا به ټول په دې پوه شي چې تاسو زما شاګردان یئ.»

دوهم ګام: قیصه بیا تکرار کړئ

یو څو دقیقې وخت ونیسئ چې قیصه په خپلو الفاظو سره تکرار کړئ. کیدای شي تاسو هغه په لوړ آواز ووايئ، یا یې ولیکئ. که درته معلومه شي چې تاسو هغه له یاده نه ده زده کړې، نو یو وار بیا یې ولولئ یا واورئ.

دریم ګام: په قیصه باندې پوهېدل

کله چې تاسو ته معلومه شوه چې په قیصه باندې پوه شوي يئ، یو څه وخت بېل کړئ چې په لاندې پوښتنو باندې فکر او خبرې اترې وکړئ

دا قیصه تاسو ته د خدای په هکله څه وایی؟
دا قيصه تاسو ته د خلکو په هکله څه وایی؟
که چېرې دا په رښتیا د خدای کلام وي، نو تاسو به په خپل ژوند کې کوم بدلونونه رامینځته کړئ؟
تاسو به دا قيصه چا ته ووایئ؟

نوی حکم

لومړی ګام: قیصه ولولئ

نوی حکم

دوهم ګام: قیصه بیا تکرار کړئ

دریم ګام: په قیصه باندې پوهېدل