موندل

د انځر د ونې څخه عبرت اخیستل

20 بله ورځ سهار وختي کله چې هغوی په لاره تېرېدل، نو ویې لیدل چې هغه د انځر ونه له بېخه وچه شوې وه. 21 پطروس هغه خبره رایاده کړه چې عیسی د انځر ونې ته کړې وه او ویې ویل: «استاذه! ګوره، د انځر په هغې ونې چې تا لعنت ویلی ؤ هغه وچه شوې ده.»

22 عیسی ورته په ځواب کې وویل: «په خدای باندې ایمان ولرئ. 23 په یقین سره زه تاسو ته دا وایم چې که څوک ایمان ولري او په زړه کې شک ونه کړي، نو که دې غره ته ووایي چې د خپل ځای څخه پورته شه او په بحیرې کې وغورځېږه، نو همداسې به وشي. 24 نو له دې امله زه تاسو ته وایم هرڅه چې تاسو یې په دعا کې وغواړئ، نو یقین ولرئ چې لاسته به یې راوړئ او هغه به ستاسو شي. 25 او هرکله چې تاسو د دعا دپاره ودرېږئ، نو که ستاسو په زړونو کې د چا په خلاف کوم څه شی وي هغه وبخښئ، ترڅو ستاسو اسماني پلار هم ستاسو ګناهونه وبخښي.

دوهم ګام: قیصه بیا تکرار کړئ

یو څو دقیقې وخت ونیسئ چې قیصه په خپلو الفاظو سره تکرار کړئ. کیدای شي تاسو هغه په لوړ آواز ووايئ، یا یې ولیکئ. که درته معلومه شي چې تاسو هغه له یاده نه ده زده کړې، نو یو وار بیا یې ولولئ یا واورئ.

دریم ګام: په قیصه باندې پوهېدل

کله چې تاسو ته معلومه شوه چې په قیصه باندې پوه شوي يئ، یو څه وخت بېل کړئ چې په لاندې پوښتنو باندې فکر او خبرې اترې وکړئ

دا قیصه تاسو ته د خدای په هکله څه وایی؟
دا قيصه تاسو ته د خلکو په هکله څه وایی؟
که چېرې دا په رښتیا د خدای کلام وي، نو تاسو به په خپل ژوند کې کوم بدلونونه رامینځته کړئ؟
تاسو به دا قيصه چا ته ووایئ؟

د دعا ځواک او قدرت

لومړی ګام: قیصه ولولئ

د انځر د ونې څخه عبرت اخیستل

دوهم ګام: قیصه بیا تکرار کړئ

دریم ګام: په قیصه باندې پوهېدل