Gundua Vitabu Vitakatifu

Isa Al-Masihi alipokuwepo kando ya ziwa kubwa pamoja na wanafunzi wake aliwasomesha umati wa watu kwa siku mzima.

KUTOKA INJILI, TAFSIRI KWA LUGHA NA MILA ZA WASWAHILI

35 Siku hiyo ilipokaribia jioni, aliwaambia wanafunzi wake, “Tuvukeni twende mpaka ngʼambo.” 36 Wakauacha ule umati wa watu, na wakamchukua vile alivyokuwa kwenye mashua. Palikuwa pia na mashua nyingine nyingi pamoja naye. 37

Kukawa na dhoruba kali, nayo mawimbi yakaipiga ile mashua hata ikawa karibu kujaa maji. 38 Isa alikuwa katika shetri [yaani sehemu ya nyuma ya mashua], akiwa analala juu ya mto. Wanafunzi wake wakamwamsha, wakamwambia, “Mwalimu, hujali kama tunazama?”

39 Akaamka, akaukemea ule upepo, akayaambia yale mawimbi, “Uwe kimya! Tulia!” Ule upepo ukatulia, kukawa shwari kabisa. 40 Isa akawaambia wanafunzi wake, “Kwa nini mnaogopa hivyo? Je, bado hamna imani?” 41 Nao wakawa wameogopa sana, wakaulizana, “Ni nani huyu ambaye hata upepo na mawimbi vinamtii?”

Simulia nakala hii kwa maneno yako

Tumia muda mfupi ukiisimulia tena simulizi kwa maneno yako mwenyewe. Unaweza kuisimulia kwa sauti au kuiandika. Ukiona unahangaika kuikumbuka, isome au uisikilize tena.

Igundue nakala

Ukiona umeielewa simulizi, uvute ilham. Tumia muda kuifikiria au jadili maswali yafuatayo. Ni vizuri kuyapitia masomo haya pamoja na familia na marafiki zako ili mpate kujifunza na kushirikiana kwa pamoja.

Umejifunza nini kuhusu Mwenyezi Mungu kwenye nakala hili?
Umejifunza nini kwenye nakala hili kuhusu binadamu au manabii?
Vipi utalifanyia kazi somo hili kwa vitendo?
Utawashirikisha akina nani somo hili ili na wao wapate kujifunza?

Gundua Vitabu Vitakatifu

Ukombozi: Isa Al-Masihi anaituliza dhoruba

Isome nakala

Simulia nakala hii kwa maneno yako

Igundue nakala