Mıvofiğ mətni bahandən, yaan bəy quş bıdən
İsa qol Qalileyədə kuloki həmuş kardeydə
4:35 Həmonə ruji toyki darşeədə İsa votışe Bəştə şoqirdon: «Boən dəvardəmon bə japə». 36 Şoqirdon co bin cəmatiku, bardışone İsa deçəy penıştə kulosi bə ico, çəy tono co kulosonən hestbin. 37 Bı vaxti bərkə kulok rost be. Dalğon jıqo hucum kəşəşone bə kulosi ki, ov həni pur be bəçəy dılə. 38 İsa noəşbe ıştə sə hıteydəbe kulosi dumotonədə. Şoqirdon pekardışone Əv, votışone: «Ustod, əmə həlok beydəmon oxo! Bəs ım Tıni norohat kardeydəni?» 39 İsa əşte ğədəğən kardışe bə kuloki iyən votışe bə qoli: «Xıyə bıkə, aşiş bıbi!» Kulok omande iyən qırd xıyə kardışe. 40 İsa votışe bəvon: «Boçi tarseydəşon? Hələn niyone bəs imon?» 41 Əvon dəhşəti dılədə parsəyn iyəndıku: «Im odəm kiye ki, kulokən, qolən Bəy itoət kardeydə?»
Hikoyə deştə sıxanon tikror kardeyro dı-se dəğiğə co bıkən. Şımə ımi de barzə sədo qəp je, yaan nıvışte bəzneyon. Qirəm mətni yodədə oqəte zıneydəniyonbu, əy tojədən bahandən, yaan bəy quş bıdən.
De hikoyə tanış bey bəpeştə, jitono doəbıə parson həxədə fikir bıkən iyən əvoni mızokirə bıkən.
Get Discovery Bible Studies on your phone
Discover copyright ©2015-2026 discoverapp.org
Ayon Mığəddəsə Kitobi bə Toılşə zıvon tərcumədə peqətəbıə. Mıəllifəti huğuğ © "Müqəddəs Kitab Şirkəti" 2019. De icozə okodoəbeydə. Həmə huğuğon mıdofiə kardə beydən.
