Mıvofiğ mətni bahandən, yaan bəy quş bıdən
Fərisey iyən doyənəqırdəəkə məsəl
18:9 Bəştə əməlisalehəti uspur bıə, bə əmandəyon xor diyə kardə kəsonro İsa jıqo qıləy məsəl vardışe: 10 «Dıkəs bo ibodət karde oməy bə məbəd. Qıləyni fəriseybe, ə qıləyni doyənəqırdəəkə. 11 Fərisey pemande jıqo dıvo kardışe ıştən-bəştə: “Xıdo, şukur bıbu Bətı ki, az bənə co odəmon kisibəvon, nohəx, zinokor, yaanki bənə bı doyənəqırdəəkə nim. 12 Az haftədə dı kərə rujə qəteydəm, ıştə bə dast vardə əmloki həmməy dayəki doydəm”. 13 Doyənəqırdəəkə isə mandəbe diyəroədə, hiç bə osmoni edyəse zıneydənıbe, əncəx sinə jəy-jəy voteydəbe: “Xıdo, bəmı, bı qınokori rəhm bıkə!” 14 Voteydəm bəşmə: fərisey ne, ə doyənəqırdəəkə bəroət səşe şe bəştə kə. Ki ıştəni bə pe bıqəto, bə ji qətə bəbe əv iyən ki ıştəni bə ji bıqəto, əv bə pe qətə bəbe».
16:24 Tosə esə Deçımı nomi hiçiy nıpiyone. Bıpiyənən, bəsteşon. Bıdə şımə şoy-şoy kamil bıbu.
Hikoyə deştə sıxanon tikror kardeyro dı-se dəğiğə co bıkən. Şımə ımi de barzə sədo qəp je, yaan nıvışte bəzneyon. Qirəm mətni yodədə oqəte zıneydəniyonbu, əy tojədən bahandən, yaan bəy quş bıdən.
De hikoyə tanış bey bəpeştə, jitono doəbıə parson həxədə fikir bıkən iyən əvoni mızokirə bıkən.
Get Discovery Bible Studies on your phone
Discover copyright ©2015-2026 discoverapp.org
Ayon Mığəddəsə Kitobi bə Toılşə zıvon tərcumədə peqətəbıə. Mıəllifəti huğuğ © "Müqəddəs Kitab Şirkəti" 2019. De icozə okodoəbeydə. Həmə huğuğon mıdofiə kardə beydən.
